Վարկային Մասնագետ, ք․ Եղեգնաձոր

ԷԿԼՕՖ ՈւՎԿ ՍՊԸ հրավիրում է նվիրված և նպատակասլաց մասնագետի միանալու մեր թիմին որպես Վարկային Մասնագետ Եղեգնաձոր Ներկայացուցչությունում։ Այս պաշտոնը հիանալի հնարավորություն է նրանց համար, ովքեր ցանկանում են զարգանալ ֆինանսական ոլորտում՝ միաժամանակ ունենալով հնարավորություն ստանալու մասնագիտական շարունակական զարգացում և ճանաչել աշխարհը ԷԿԼՕՖ Թիմի հետ։ 

Եթե ունեք վերլուծական մտածողություն, հաղորդակցման զարգացած հմտություններ և ցանկանում եք աշխատել համայնքների հետ ու զարգացնել ձեր մասնագիտական կարիերան սոցիալական առաքելություն ունեցող կազմակերպությունում, ապա մենք պատրաստ ենք Ձեզ ընդունել մեր թիմում։

Նվազագույն մասնագիտական և այլ կարողություններ և հմտություններ

• Բարձրագույն կրթություն
• Ղեկավարման և կազմակերպման հմտություններ, համապարփակ և լիարժեք հաշվետու լինելու կարողություն
• Հաճախորդներին պատշաճ սպասարկելու հմտություն
• Վերլուծական հմտություններ
• Բանավոր և գրավոր հաղորդակցության գերազանց հմտություններ
• Ճշտապահություն, կարգապահություն, կազմակերպվածություն, թիմային աշխատանքի ունակություն
• ՏՏ և ՈՒՎԿ գործունեության համար անհրաժեշտ մասնագիտական ծրագրերով աշխատելու կարողություն

Աշխատանքային պարտականություններ

• Ապահովում է իրեն ամրագրված համայնքների սպասարկումը`
  Համայնքային անձնագրի  թարմացում,
  Սեմինարների կազմակերպում և անցկացում,
  Վարկային դիմումների ուսումնասիրում,
  Գրավների և երաշխավորողների ստուգում, 
  Վարկային ծրագրերի սպասարկում,
• Կատարում է դիմորդների վարկունակության, վարկային ծրագրերի կենսունակության, տեղեկությունների հավաստիության և ապահովվածության վերլուծություն, գնահատում և ներկայացնում է համապատասխան առաջարկություն:
• Պատրաստում և ներկայացնում է վարկային գործը և պատասխանատու է դրա լիարժեքության համար:
• Ապահովում է վարկային փաթեթների և գործընթացների իրականացման համար անհրաժեշտ փաստաթղթերի հավաքագրումը, ներկայացնում Վարկային Կառավարչին և պատասխանատվություն է կրում դրանց հավաստիության համար:
• Վերահսկում է վարկերի նպատակային օգտագործումը, ապահովվածությունը:
• Ապահովում է հաճախորդների վճարումները` ըստ հաստատված ժամանակացույցի:
• Ապահովում է ամրագրված համայնքներում գտնվող ժամկետանց վարկերի և արտհաշվեկշռի վարկերի հավաքագրումը:
• Սահմանված հաճախականությամբ և ձևով ներկայացնում է հաշվետվություններ:
• Ապահովում է ՈւՎԿ կողմից սահմանած աշխատանքային պլանի կատարումը:
• Պատասխանատվություն է կրում ՈւՎԿ տեխնիկական և այլ միջոցների խնամքով շահագործման և պահպանության համար
• Խստիվ պահպանում է առևտրային և ծառայողական գաղտնիք պարունակող տեղեկությունները և կրում է ՀՀ օրենսդրությամբ սահմանված պատասխանատվություն դրանց հրապարակման, տրամադրման և այլ կերպ երրորդ անձանց հայտնի դարձնելու համար:
• Կատարում է Գործառնական Տնօրենի և Վարկային Կառավարչի այլ հրահանգներ:
• Իր պարտականությունների իրականացման ընթացքում առաջնորդվում է ՈւՎԿ Կանոնադրությամբ և ներքին նորմատիվ ակտերով:

Պահանջվող արդյունքներ

• Վարկային պորտֆելի որակ, երեք տոկոսից ցածր ռիսկային պորտֆել
• Վարկային դուրսգրումների զսպված մակարդակ
• Սպասարկվող վարկերի անհրաժեշտ ծավալի ապահովում
• Ամրագրված վարկային պորտֆելի դիվերսիֆիկացիա
• Հաճախորդների որակյալ սպասարկում
• Պլանային առաջադրանքների կատարում

Ներկայացման ձևը և վերջնաժամկետը

• Ինքնակենսագրականները խնդրում ենք ուղարկել հայերեն լեզվով, Կազմակերպության՝ cv@eclof.am էլ․ փոստի հասցեին, Թեմա դաշտում նշելով ՝ Վարկային Մասնագետ Եղեգնաձոր։

• Հայտերի ներկայացման վերջնաժամկետ է սահմանվում  1 հոկտեմբեր 2026թ, ժամը 18։00։

Հավելյալ տեղեկություններ

• Ընտրության գործընթացը իրականացվելու է արտահերթ և թափանցիկ՝ համաձայն ԷԿԼՕՖ ՈՒՎԿ ՍՊԸ Կանոնադրության Մարդկային Ռեսուրսների Կառավարման Քաղաքականության։