Վարկային Մասնագետ, քաղաք Էջմիածին

Մենք համալրում ենք մեր թիմը

ԷԿԼՕՖ ՈւՎԿ ՍՊԸ-ն աշխատանքի է հրավիրում Վարկային մասնագետի՝ Էջմիածնի ներկայացուցչությունում աշխատելու համար։

Եթե Դուք հաղորդակցվող, պատասխանատու և նախաձեռնող եք, ցանկանում եք զարգանալ ֆինանսական ոլորտում և Ձեր աշխատանքով նպաստել մարդկանց ծրագրերի ու նպատակների իրականացմանը, ապա մենք սպասում ենք հենց Ձեզ։

Միացե՛ք ԷԿԼՕՖ-ի թիմին և դարձե՛ք մարդկանց կյանքում դրական փոփոխություններ ստեղծող աշխատանքի մի մասը։

Պահանջվող նվազագույն մասնագիտական և այլ կարողություններ՝

• Բարձրագույն կրթություն
• Ղեկավարման և կազմակերպման հմտություններ, համապարփակ և լիարժեք հաշվետու լինելու կարողություն
• Հաճախորդներին պատշաճ սպասարկելու հմտություն
• Վերլուծական հմտություններ
• Բանավոր և գրավոր հաղորդակցության գերազանց հմտություններ
• Ճշտապահություն, կարգապահություն, կազմակերպվածություն, թիմային աշխատանքի ունակություն
• ՏՏ և ՈՒՎԿ գործունեության համար անհրաժեշտ մասնագիտական ծրագրերով աշխատելու կարողություն

Աշխատանքային պարտականություններ՝

• Ապահովում է իրեն ամրագրված համայնքների սպասարկումը՝
• Համայնքային անձնագրի թարմացում,
• Սեմինարների կազմակերպում և անցկացում,
• Վարկային դիմումների ուսումնասիրում,
• Գրավների և երաշխավորողների ստուգում,
• Վարկային ծրագրերի սպասարկում,
• Կատարում է դիմորդների վարկունակության, վարկային ծրագրերի կենսունակության, տեղեկությունների հավաստիության և ապահովվածության վերլուծություն, գնահատում և ներկայացնում է համապատասխան առաջարկություն:
• Պատրաստում և ներկայացնում է վարկային գործը և պատասխանատու է դրա լիարժեքության համար:
• Ապահովում է վարկային փաթեթների և գործընթացների իրականացման համար անհրաժեշտ փաստաթղթերի հավաքագրումը, ներկայացնում Վարկային Կառավարչին և պատասխանատվություն է կրում դրանց հավաստիության համար:
• Վերահսկում է վարկերի նպատակային օգտագործումը, ապահովվածությունը:
• Ապահովում է հաճախորդների վճարումները՝ ըստ հաստատված ժամանակացույցի:
• Ապահովում է ամրագրված համայնքներում գտնվող ժամկետանց վարկերի և արտհաշվեկշռի վարկերի հավաքագրումը:
• Սահմանված հաճախականությամբ և ձևով ներկայացնում է հաշվետվություններ:
• Ապահովում է ՈւՎԿ կողմից սահմանած աշխատանքային պլանի կատարումը:
• Պատասխանատվություն է կրում ՈւՎԿ տեխնիկական և այլ միջոցների խնամքով շահագործման և պահպանության համար:
• Խստիվ պահպանում է առևտրային և ծառայողական գաղտնիք պարունակող տեղեկությունները և կրում է ՀՀ օրենսդրությամբ սահմանված պատասխանատվություն դրանց հրապարակման, տրամադրման և այլ կերպ երրորդ անձանց հայտնի դարձնելու համար:
• Կատարում է Գործառնական Տնօրենի և Վարկային Կառավարչի այլ հրահանգներ:
• Իր պարտականությունների իրականացման ընթացքում առաջնորդվում է ՈւՎԿ Կանոնադրությամբ և ներքին նորմատիվ ակտերով:

Պահանջվող արդյունք՝

• Վարկային պորտֆելի որակ, երեք տոկոսից ցածր ռիսկային պորտֆել
• Վարկային դուրսգրումների զսպված մակարդակ
• Սպասարկվող վարկերի անհրաժեշտ ծավալի ապահովում
• Ամրագրված վարկային պորտֆելի դիվերսիֆիկացիա
• Հաճախորդների որակյալ սպասարկում
• Պլանային առաջադրանքների կատարում

 Աշխատանքի վայր՝ Էջմիածնի ներկայացուցչություն
 Դիմումների ընդունման վերջնաժամկետ՝ 30 օգոստոսի, 2026 թ.
 Ինքնակենսագրություններն ուղարկել՝ info@eclof.am