Գործառնական Տնօրեն

ԷԿԼՕՖ ՈՒՎԿ ՍՊ Ընկերությունը,  Կազմակերպության Գործառնական Տնօրենի թափուր հաստիքը համալրելու նպատակով հայտարարում է բաց մրցույթ։ 

Նվազագույն մասնագիտական և այլ կարողություններ և հմտություններ։

• Բարձրագույն կրթություն
• Ֆինանսաբանկային համակարգում առնվազն երեք տարվա հաջողված ղեկավարման  փորձ
• Ղեկավարման և կազմակերպման հմտություններ, համապարփակ և լիարժեք հաշվետու լինելու կարողություն
• Գրավոր և բանավոր հաղորդակցվելու գերազանց հմտություններ, հայոց լեզվի գերազանց իմացություն, ռուսերեն և անգլերեն լեզուների նվազագույնը գործառնական մակարդակի իմացություն
• ՈւՎԿ գործունեությանը առնչվող ՀՀ օրենքների, ՀՀ Կենտրոնական Բանկի կանոնակարգերի, ԷԿԼՕՖ Համացանցի, ՈւՎԿ Կանոնադրության, Քաղաքականությունների  և այլ ներքին նորմատիվ ակտերի իմացություն և գործնական հմուտ կիրառման ունակություն
• ՏՏ և ՈւՎԿ գործունեության համար անհրաժեշտ մասնագիտական ծրագրերով աշխատելու կարողություն
• Նախկին գործատուների (հատկապես վերջին երկու) կողմից տրված կարողությունների և հմտությունների վերաբերյալ երաշխավորագրեր
• ՈՒՎԿ  աշխատանքի ընդունվելուց հետո երեք ամսվա ընթացքում պարտավոր է ստանալ վարկային կազմակերպության տնօրեն աշխատելու ՀՀ Կենտրոնական Բանկի կողմից համապատասխան որակավորում (լիցենզիա)։

Աշխատանքային պարտականություններ։

• Ի պաշտոնե փոխարինում է Գործադիր Տնօրենին Գործադիր Տնօրենի բացակայության ժամանակ:
• Կազմակերպում և ապահովում է ՈՒՎԿ վարկային պորտֆելը, անհրաժեշտ գործընթացների և  գործառույթների պատշաճ իրականացումը:
• Անմիջականորեն պատասխանատու է ՈՒՎԿ վարկային պորտֆելի որակի և վարկերի սպասարկման պատշաճ ապահովման համար:
• Համակարգում է Վարկային Կառավարիչների գործունեությունը:
• Համակարգում է ՈւՎԿ Ներկայացուցչությունների գործունեությունը և պատասխանատու է վերջիններիս արդյունավետության և օրինականության ապահովման համար: 
• Վերահսկում է բոլոր վարկային գործընթացների համապատասխանությունն ՈՒՎԿ  Քաղաքականություններին, Կանոնակարգերին, ներքին նորմատիվ ակտերին:
• Ապահովում է վարկավորման գործընթացների պատշաճ իրականացումը: Պարտավոր է իր լիազորությունների շրջանակում նախապատրաստել և ներկայացնել հաստատման անհրաժեշտ ներքին նորմատիվ ակտերի նախագծեր՝ վարկային գործընթացների, վարկային պրոդուկտների, դրանց մրցունակության և արդյունավետության  և դրանց հետ առնչվող գործառույթների պատշաճ և արդյունավետ իրականացման համար:
• Կանոնակարգում, ապահովում, վերահսկում, անհրաժեշտության դեպքում` անձամբ իրականացնում է ՈՒՎԿ  Քաղաքականություններով և պլաններով նախատեսված ծրագրային /վարկերի/ այցելությունները, ուսումնասիրությունները, գնահատումները, սեմինարները, ժողովները, մոնիթորինգները:
• Կազմակերպում և վերահսկում է սպասարկվող համայնքների նկարագրերի պատրաստման և  թարմացման գործընթացները:
• Նախապատրաստում և ներկայացնում է ՈՒՎԿ  վարկային պորտֆելի  և գործընթացներին վերաբերող բոլոր ընթացիկ, ամսական, եռամսյակային և տարեկան հաշվետվությունները:
• Կազմակերպում, ապահովում և պատասխանատու է Վարկային Կառավարիչների հետ համայնքների բաշխման,  աշխատանքային և վարկային պլանների մշակման և կատարողականների ուսումնասիրության համար:
• Փոխարինում է բացակայող Վարկային Կառավարիչներին ի պաշտոնե:
• Անմիջական պատասխանատու է Ժամկետանց պորտֆելի նվազման և վարկերի դուրսգրման բացառման համար։ 
• Խորհրդի և Գործադիր Տնօրենի հանձնարարությամբ կատարում է այլ պարտականություններ և առաջադրանքներ:
• Իր լիազորությունների շրջանակներում օգտագործում է ՈՒՎԿ  տեխնիկական և նյութական ռեսուրսները, և անձնական նյութական պատասխանատվություն է կրում այդ ռեսուրսների անվտանգ (ապահով) և պատշաճ օգտագործման համար:
• Խստիվ պահպանում է բանկային, առևտրային և ծառայողական գաղտնիք կազմող տեղեկությունները և կրում է ՀՀ օրենսդրությամբ սահմանված պատասխանատվություն դրանց հրապարակման, տրամադրման և այլ կերպ երրորդ անձանց հայտնի դարձնելու համար:
• Իր պարտականությունների իրականացման ընթացքում առաջնորդվում է  ՈՒՎԿ  Կանոնադրության, սույն Քաղաքականության  և գործող ներքին նորմատիվ ակտերի պահանջներով:

Պահանջվող արդյունքներ։

• Հուսալի և որակյալ վարկային պորտֆել։
• Վարկային պլանի կատարում։
• Հաճախորդների որակյալ սպասարկում և նախատեսված թվի ապահովում։
• Աշխատունակ, արդյունավետ, համակարգված վարկային գրասենյակներ։

Դիմել ցանկացողները կարող են ուղարկել ինքնակենսագրականը (CV) cv@eclof.am էլ․ հասցեին, նամակի թեմա(subject) դաշտում գրելով "Գործառնական Տնօրեն"։

Հարցազրույցի կհրավիրվեն միայն այն դիմորդները, ովքեր կհամապատասխանեն ներկայացված պահանջներին։

Դիմումների ընդունման վերջնաժամկետն է 25 դեկտեմբեր 2024։