Վարկային Կառավարիչ, ք․ Վեդի

ԷԿԼՕՖ ՈՒՎԿ ՍՊԸ-ն հայտարարում է մրցույթ` Վեդի Ներկայացուցչությունում Վարկային Կառավարիչի հաստիքը համալրելու նպատակով։

Նվազագույն մասնագիտական և այլ կարողություններ և հմտություններ՝

• Բարձրագույն կրթություն 
• Ֆինանսաբանկային համակարգում առնվազն մեկ տարվա աշխատանքային փորձ
• Ղեկավարման և կազմակերպման հմտություններ, համապարփակ և լիարժեք հաշվետու լինելու կարողություն
• ՈւՎԿ գործառույթներին առնչվող ՀՀ օրենքնների, ՀՀ Կենտրոնական Բանկի Կանոնակարգերի, ԷԿԼՕՖ Համացանցի, ՈւՎԿ Կանոնադրության, քաղաքականությունների և այլ ներքին նորմատիվ ակտերի իմացությու
• Վարկերի սպասարկման փորձառություն, միկրովարկային ծրագրերի իրականացման գիտելիքներ
• Հաճախորդներին պատշաճ սպասարկելու հմտություններ
• Հայերենի գերազանց իմացություն, ռուսերենի և անգլերենի իմացությունը ցանկալի է
• Համակարգչային ՀԾբանկ4SQL ծրագրով, Microsoft Office, ինչպես նաև մասնագիտական ծրագրերով աշխատելու կարողություն։

Աշխատանքային պարտականություններ՝

• Ներկայացուցչության պարագայում պատասխանատու է Ներկայացուցչության Կանոնադրությամբ սահմանված գործունեության նպատակների համակարգման ապահովման համար և իրականացնում է Ներկայացուցչության Կանոնադրությամբ Վարկային Կառավարչին տրված իրավասությունները:
• Պատասխանատու է իրեն ամրագրված գրասենյակի վարկային պորտֆելի որակի ապահովման և վարկային պլանի կատարման համար:
• Ի պաշտոնե փոխարինում է իրեն ամրագրված վարկային պորտֆելը սպասարկող Վարկային Մասնագետ/ներ/ին վերջին/ներ/իս բացակայության ժամանակ:
• Պատասխանատու է հաճախորդների սպասարկման որակի ապահովման և վերահսկման համար:
• Համապատասխան լիազորագրի հիման վրա ստորագրում է վարկային, գրավի և երաշխավորության պայմանագրեր:
• Կատարում է իրեն ամրագրված   գործող վարկերի մոնիթորինգները:
• Կատարում է հարցումներ ԱՔՌԱ Վարկային Բյուրոյից
• Վերահսկում է վարկերի նպատակային օգտագործումը, ապահովվածությունը:
• Կատարում է դիմորդների վարկունակության, վարկային ծրագրերի կենսունակության, տեղեկությունների հավաստիության և ապահովվածության վերլուծություն, գնահատում և ներկայացնում է համապատասխան առաջարկություն:
• Պատրաստում և ներկայացնում է վարկային գործը և պատասխանատու է դրա լիարժեքության համար:
• Պատասխանատու է դիմորդների վարկունակության, վարկային ծրագրերի կենսունակության, տեղեկությունների հավաստիության և ապահովվածության վերլուծության և գնահատման համար:
• Գործառնական Տնօրենին և Վարկային Կոմիտեին է ներկայացնում ուսումնասիրման ենթակա վարկային փաթեթները:
• Համակարգում և ղեկավարում է իրեն ամրագրված գրասենյակ/ներ/ի աշխատակիցների գործունեությունը:
• Պատասխանատու է իրեն ամրագրված գրասենյակ/ներ/ից ներկայացվող վարկային փաթեթների ամբողջականության, հավաստիության և պատշաճության համար:
• Անմիջական պատասխանատվություն է կրում գրասենյակ/ներ/ին ամրագրված տեխնիկական և տրանսպորտային միջոցների պատշաճ օգտագործման և համակարգման համար:
• Գործառնական Տնօրենի հետ միասին կազմում է գրասենյակ/ներ/ի աշխատակիցների աշխատանքային պլանները:
• Ապահովում է գրասենյակի բոլոր վարկային գործընթացների համապատասխանությունն ՈւՎԿ Քաղաքականություններին, Կանոնակարգերին և ներքին նորմատիվ ակտերին:
• Ապահովում է իրեն ամրագրված գրասենյակ/ներ/ի վարկային պլանի կատարումը:
• ժամանակին հայտնաբերում և բացահայտում է իրեն ամրագրված գրասենյակ/ներ/ի վարկավորման ընթացքում առաջացած խնդիրները և միջոցներ է ձեռնարկում դրանց լուծման ուղղությամբ:
• Կանոնակարգում, ապահովում, վերահսկում, անհրաժեշտության դեպքում` անձամբ իրականացնում է իրեն ամրագրված գրասենյակ/ներ/ի համար ՈւՎԿ Քաղաքականություններով, Կանոնակարգերով և պլաններով նախատեսված այցելությունները, ուսումնասիրությունները, գնահատումները, սեմինարները, ժողովները:
• Իրականացնում է իրեն ամրագրված գրասենյակ/ներ/ի աշխատակիցների արդյունավետության գնահատումը ՈւՎԿ Մարդկային Ռեսուրսների Կառավարման Քաղաքականությանը համապատասխան:
• Պատրաստում և ներկայացնում է իրեն ամրագրված վարկային պորտֆելի և գործընթացներին վերաբերող բոլոր ընթացիկ, ամսական, եռամսյակային և տարեկան հաշվետվությունները:
• Իրեն ամրագրված գրասենյակ/ներ/ի գործունեության վերաբերյալ յուրաքանչյուր եռամսյակ հաշվետվություն է ներկայացնում Գործառնական Տնօրենին:
• Գործառնական Տնօրենի հրահանգներով կատարում է այլ պարտականություններ և առաջադրանքներ:
• Իր լիազորությունների շրջանակներում օգտագործում է ՈւՎԿ տեխնիկական և նյութական ռեսուրսները, և անձնական նյութական պատասխանատվություն է կրում այդ ռեսուրսների անվտանգ (ապահով) և պատշաճ օգտագործման համար:
• Խստիվ պահպանում է բանկային, առևտրային և ծառայողական գաղտնիք պարունակող տեղեկությունները և կրում է ՀՀ օրենսդրությամբ սահմանված պատասխանատվություն դրանց հրապարակման, տրամադրման և այլ կերպ երրորդ անձանց հայտնի դարձնելու համար:
• Իր պարտականությունների իրականացման ընթացքում առաջնորդվում է ՈՒՎԿ Կանոնադրության, սույն Քաղաքականության և գործող ներքին նորմատիվ ակտերի պահանջներով:

Պահանջվող արդյունք՝

• Վարկային պորտֆելի որակ, երեք տոկոսից ցածր ռիսկային պորտֆել
• Վարկային դուրսգրումների զսպված մակարդակ
• Սպասարկվող վարկերի անհրաժեշտ ծավալի ապահովում, արդար և ողջամիտ բաշխվածություն վարկային մասնագետների միջև
• Ամրագրված վարկային պորտֆելի դիվերսիֆիկացիա
• Որակյալ սպասարկման կազմակերպում,  ապահովում, վերահսկում 
• Աշխատունակ, արդյունավետ, համակարգված գրասենյակ
• Ենթակա վարկային մասնագետների կողմից ՈւՎԿ Քաղաքականությունների, Կանոնակարգերի և ներքին նորմատիվ ակտերի վարժ տիրապետում և կատարում
• Վարկային պլանի կատարում

Աշխատանքի Վայրը՝

• ԷԿԼՕՖ ՈՒՎԿ ՍՊԸ Վեդի Ներկայացուցչություն

Դիմելու կարգը՝

• Հետաքրքրված թեկնածուները կարող են ուղարկել իրենց ինքնակենսագրականը (CV) մինչև 2025թ. սեպտեմբերի 4-ը ներառյալ՝ cv@eclof.am էլեկտրոնային հասցեին՝ թեմա (subject) տողում նշելով հաստիքի անվանումը՝ Վարկային Կառավարիչ Վեդի։ 
• Ինքնակենսագրականը ներկայացնել պատշաճ լրացված, Հայերեն և Անգլերեն լեզուներով։

Հարցազրույցի կհրավիրվեն այն թեկնածուները, ովքեր կհամապատասխանեն Կազմակերպության կողմից սահմանված պահանջներին։

Միացեք մեր թիմին՝ նպաստելու համայնքների սոցիալ-տնտեսական զարգացումն աջակցող և պատասխանատու վարկավորման գործընթացին։

Հարգանքով՝ ԷԿԼՕՖ Թիմ։